12 14.12: Rev 8.10; 9.1 "Mo mi luk we yumi gohed, yumi talem se, ‘King. Bifo, ol man oli stap talem nem blong yu, se "Moning Sta", be naoia, yu yu aot long skae finis, yu foldaon. Bifo, yu yu stap winim ol man blong plante narafala kantri, be naoia, Hae God i sakem yu finis, yu godaon long graon. 13 14.13: Mat 11.23; Luk 10.15Yu yu stap mekem tingting blong yu i strong blong klaem i go antap blong go long heven. Yu stap tingbaot blong stanemap bigfala jea blong yu antap long ol sta ya we oli antap olgeta. Oltaem, tingting blong yu i strong, se yu wantem go sidaon long bigfala jea blong yu, antap long bigfala hil ya longwe long not, we ol narafala god oli stap kam wanples long hem. 14 Oltaem, yu stap talem se yu wantem klaem i go antap long ol klaod, yu wantem kam sem mak wetem God ya we i hae we i hae. Be nogat. 15 Naoia, yu stap godaon long Hom blong ol Dedman, long ples ya we i daon moa, i winim ol narafala ples.’
Publicidade