1 "Long taem ya, bambae yufala i save luk we seven woman oli hang long wan man nomo, nao bambae oli talem long hem se, ‘!E! !Plis! Mifala i wantem blong yu yu talemaot se mifala i woman blong yu. !Yu no wari! Mifala nomo i save faenem kakae blong mifala mo klos blong mifala. Sipos yu yu glad blong talemaot nomo olsem, bambae mifala i no moa save sem from we mifala i no gat man blong mifala.’ "

2 Nao Profet Aesea i talem long ol man blong hem se, "Olgeta. I gat taem i stap kam, we han blong tri blong Hae God bambae i kam nambawan, i leftemap nem blong hem i go antap, mo ol kakae blong ol garen blong ples ya bambae i mekem smol haf ya blong yumi we bambae oli stap laef long taem ya, oli harem gud tumas, tingting blong olgeta i glad.* bambae oli stap laef long taem ya, bambae oli glad tumas long ol kakae we ol garen blong olgeta oli karem. 3 Long taem ya, ol man bambae oli luk olgeta ya we hem i raetemdaon nem blong olgeta, se bambae oli stap long Jerusalem,* nao bambae oli talem se, ‘Olgeta ya oli tabu, oli man blong hem.’ Hemia olgeta ya we bambae oli stap long Jerusalem, oli stap mekem wosip antap long tabu hil ya Saeon.* 4 Hem bambae i kam long paoa blong hem, i jajem ol man Jerusalem from blad ya we i ron long ples ya, nao bambae i panisim olgeta from ol rabis fasin we oli stap mekem, mo i wasem olgeta, i mekem olgeta oli klin olgeta. 5 ✝Long dei, bambae hem i sanem klaod mo smok i kam kavremap tabu hil ya blong hem, mo long naet, bambae hem i sanem faea we i laet, mo i saen gud, i kam long ol man we oli stap long hil ya. Hem bambae i stap raonabaot long taon ya, mo long bigfala paoa blong hem, bambae hem i blokemgud olgeta haf blong ples ya. 6 Nao bigfala paoa ya blong hem we i olsem laet we i saen we i saen, bambae i mekem ples ya i kam wan gudfala sefples, we bigsan long medel dei i no save kasem ol man, mo ren mo win i no save spolem olgeta."