3 Nao yumi lukluk nogud long hem,
yumi tanem baksaed long hem.
Hem i wan man
we i harem nogud plante taem,
mo i savegud olgeta samting
we i stap mekem man i harem nogud.
Yumi tanem fes blong yumi,
olsem we hem i nating nomo,
mo i no gat man
i save lukluk i go long hem.
4 53.4: Mat 8.17 "Olgeta samting we i stap mekem yumi harem nogud,
hem i karem olgeta evriwan.
Ol sobodi we hem i karem,
hemia ol sobodi blong yumi.
Be yumi,
yumi ting se God nomo i stap panisim hem,
hem nao i stap kilim hem,
i stap mekem hem i harem nogud.
5 53.5: 1 Pita 2.24 Be ol man oli stap wipim hem
from ol fasin nogud ya blong yumi.
Oli mekem hem i karekil
from ol sin ya blong yumi.
Nao ol sobodi ya we hem i karem,
i mekem yumi i gud bakegen.
Panis ya we hem i kasem,
i mekem we yumi gat pis.
6 53.6: 1 Pita 2.25 Yumi evriwan,
yumi olsem ol sipsip we oli lus finis,
yumi evriwan i stap folem
ol rod blong yumi wanwan.
Be Hae God i putum ol sin blong yumi evriwan
i go long man ya nomo.
7 53.7: Rev 5.6 53.7: Wok 8.32,33 "Olgeta oli mekem i strong tumas long hem,
be hem i mekem tingting blong hem i stap daon,
nao i karem ol samting ya.
Hem i no talem wan tok nating.
Hem i olsem smol sipsip nomo
we oli stap tekem i go
blong kilim blong kakae,
no bigfala sipsip
we oli stap katemaot hea blong hem,
be i no save krae.
Hem i no talem wan samting nating.
9 53.9: 1 Pita 2.22 Nao oli putum hem long beregraon
wetem ol man nogud,
oli berem* hem wetem ol rijman,
be hem i no bin mekem wan samting nating
we i brekem loa,
mo neva hem i talem wan giaman toktok."
12 53.12: Mak 15.27; Luk 22.37 From ol samting ya,
bambae mi mi leftemap
nem blong hem i go antap,
mo mi tekem hem i kam stap
wetem ol haeman we oli gat paoa.
Hem i glad nomo blong letem laef blong hem gogo i ded.
Hem i kasem panis ya
we i blong ol man nogud.
Oli kaontem hem wetem ol man nogud,
mo hem i karem ol sin blong olgeta,
mo i prea long mi,
blong mi mi fogivim olgeta,
mi tekemaot ol sin ya blong olgeta."