4 53.4: Mat 8.17 "Olgeta samting we i stap mekem yumi harem nogud,
hem i karem olgeta evriwan.
Ol sobodi we hem i karem,
hemia ol sobodi blong yumi.
Be yumi,
yumi ting se God nomo i stap panisim hem,
hem nao i stap kilim hem,
i stap mekem hem i harem nogud.
5 53.5: 1 Pita 2.24 Be ol man oli stap wipim hem
from ol fasin nogud ya blong yumi.
Oli mekem hem i karekil
from ol sin ya blong yumi.
Nao ol sobodi ya we hem i karem,
i mekem yumi i gud bakegen.
Panis ya we hem i kasem,
i mekem we yumi gat pis.
6 53.6: 1 Pita 2.25 Yumi evriwan,
yumi olsem ol sipsip we oli lus finis,
yumi evriwan i stap folem
ol rod blong yumi wanwan.
Be Hae God i putum ol sin blong yumi evriwan
i go long man ya nomo.
11 Oltaem long laef blong hem,
hem i stap harem nogud,
be naoia,
bambae hem i save harem gud.
Bambae hem i save
se hem i stap harem nogud tumas,
be i no blong nating.
Man blong wok ya blong mi,
hem i stret olgeta.
Hem bambae i karem ol sin
blong plante man,
mo from ol samting we hem i mekem,
mi bambae mi fogivim olgeta,
mi tekemaot ol sin blong olgeta.
12 53.12: Mak 15.27; Luk 22.37 From ol samting ya,
bambae mi mi leftemap
nem blong hem i go antap,
mo mi tekem hem i kam stap
wetem ol haeman we oli gat paoa.
Hem i glad nomo blong letem laef blong hem gogo i ded.
Hem i kasem panis ya
we i blong ol man nogud.
Oli kaontem hem wetem ol man nogud,
mo hem i karem ol sin blong olgeta,
mo i prea long mi,
blong mi mi fogivim olgeta,
mi tekemaot ol sin ya blong olgeta."