AESEA 61

Hae God bambae i kam sevem ol man blong hem

1 ✝ 61.1: Mat 11.5; Luk 7.22 ✝ 61.1: Luk 4.18,19 Bakegen, profet i talemaot tok blong man*61.1: Man blong wok blong God. Yu luk futnot V long 49.1. blong wok blong Hae God long ol man blong hem, we man ya i talem se,

"Olgeta.

Hae God we i Masta* blong yumi,

hem i jusumaot mi,

mo paoa blong Spirit blong hem

i kam fulap long mi,

blong mi kam talemaot gud nius long ol puaman.*61.1: Narafala rod blong tanem tok ya, i stat long "Hae God", i olsem. Hae God we i Masta blong yumi, hem i jusumaot mi, mo paoa blong hem i kam fulap long mi, blong mi kam talemaot gud nius long ol puaman.

Hem i sanem mi,

blong mi kam mekem ol man

we tingting blong olgeta i foldaon olgeta,

oli harem gud bakegen,

mo blong mi talemaot long olgeta

we oli stap wok slef* long narafala kantri,

se oli save gohom,

mo blong mi tekemaot olgeta

we oli stap long kalabus,

blong oli save gofri.