Resultados da busca por "fé"

23Yeisu wa gna, " ‘Ngye ho ɓa myi nu u’? Ɓəhoɓəhoi yezhni n əza aba n wo ga gaiciya."

44‘Aba ń əɓa vnyinukwnu ta fyí m, jesnu əná ta wnu m.’]

46‘Aba ń əɓa vnyinukwnu ta fyi m, jesnu əná ta wnu m.’]

1Fye vyi əmi ɓədogbe, ngye she əmihni vyi Kirisiti ɓədogbe nyi.

21ntuge əsa n fye fyi fyei gyi nyagyi, azaho n fye, ɓa gwodu ɓa gyi əɓahni pwuwa nyagyi ɓa sni ənya kwaa duwyi. Ntu n dəye ɓo, əzaho waa gnyi n myikwnui, əzaho n nubwofui.

22Fye to n apwuwai lo n fye ɓa gyi fyei sni fyi m? Kwo fye ci Shekwoyi Ikilisiya wyegba nu fyei zè aza yi awyegbmiaje n ɓa to n nyahoi lo nyi m? Knyiɓei nu n mi ɓa gna fye a? Mi ci fye nu? Kwo fyewyi, toge n ɓəda ye tukwo m!

6Əfyehni ce fye fyilo ń Abyedo, ń a la ɓa yi ge ɓa kwu zhni Yeisu Kirisiti anya nyi.

7Nyakashi ye, kwo lo da aza nu vnyanya n ɓa fyilo ń Roma, ń Shekwoyi ye ɓa lo jesnu n a la ɓa yi ɓa kwu zè əwo aza agyigyiyi.Shebmyashi n bwugbafui ɓa ɓe da fye, n ɓa kwnu n Shekwoyi əyi Dada aba ɓədo n Dagayi Yeisu Kirisitii.

26Ntu dəye ɓo, Shekwoyi wa kwu ɓa ga fyi n gyewna pwawo avnyinkwo nya. Kwo əɓa anyikwo ɓa shna gyewna ofye do ń adoi ń ɓa to fyilo n ofye m.

2Mi kpe əzaho ye lo dna n Kirisiti, n aye ngwnu awoceanyi n ɓa la duya nyi, n a ɓə la wo lagwnu lo ncei n əshemi taayi. Kwo, ce ɓə zhni lonu dna n nayi nu kwo toge dna n nayi nu m, mi ta kpəlo m; Shekwoyi nu kpəlo.

18Mi ɓə gna Titusu nge wo lo da fye, jesnu ma gna əyi zanugbai do nge wo vyi wo. Titusu ɓə la fye gyifyii? Yi to ɓə zhni əɓo fyi n apita fye gbmanyi n Zafnu gbmanyi nu m?

19Əyi anugwnudo ayeyei, fye zhninubwo lo nge yi da əyihni əgbe ɓəda nu ga fye? Yi daɓo n Shekwoyi awyeba nu ngye aza n ɓa fyilo n Kirisiti; jesnu nyahonyahoi n yi zhni lo, ntu n fye akalá fyi ɓo nu.

23Mi ɓə zhni nyikwo ye aɓyi ɓa fyí. Nlonu n aikilisiya vnyanya ɓə kpe nge əmi nu dna aza adu awye ɓədo n aza bwugba pmigyei, jesnu mi ɓə gba zahozahoyi əta n fye, ənya n fye kwu zhni nyi.

24Nsaiye mi gna əfye n fye ce fyi n Tiyatira nyi, əfye n fye too gwo nyikwo yi nyawu, jesnu fye too tu aɓo mwì, n a yi ge Shetam aɓo ɓwuɓwui ashnishnii nyi m, ‘Mi taa tu fye akaya ashnawoi do m,

25akpəge fye gwodu fyaa ənya shiɓwa n fye ncei lo nyi, nya əsa n ma ɓe.’

29"Fye ɓe, fya gye əza n wo kwu ɓəhoɓəhoi gna mi, n mi kwu shni zhnizhni. Kwo a ɓa gna Kirisiti nu gnyi a?"

30Ɓa kwnuɓe n əzhimi, ɓa wna zokwo lo əwo aba.

35Fye n ɓədai shiɓwa lo fyei da nge, ‘Apya ye celo ngwnu-anyi a kpe afwanyakwu.’ Mi gna fye, fye kpe əfye awyeya fya shi afwa awye! Ɓa kwu ɓyi jesnu ɓa kwu ye dò.

7Fye ɓəə gna fye kpe ɓədagbma ye gənyi lo, ‘Mi ye snusnugye nu toge nyagbmi m,’ fye to ɓəə ɓa znu tnaɓətuyi əknyi m.

15Shi Yeisu ɓə kwu əɓəye kpeye, waa wyiya n abaayi. Deeji yaakwo kwa vyi wo, wa ga aza vnyanya kágna n ɓa ɓə n anyasnai.

34Əfye agbezhi aɓyi, kwo ɓa zè n wunanu əfye aɓənukwoizhniyi fya da əɓo ho manai a? Ntuge əgbe da ənya nu n kwo nu fyilo n ədu.

36She bəgye ɓə kwu əɓo da, ɓa gye Yeisu n cegnyi əwo gbmanyi nu. Amwutuyi ɓa kwu ɓəye shi ɓahni jesnu to ɓa da zahozahoyi dna n sayi, əɓo n ɓa ɓəə kwu gyewye nyi m.

42Kwo əsa n əɓyi yi ɓə gnyi woi ɓe Yeisu aba, ase ɓa shewoya shi n əknyi, dna n kpəkpə. Ama Yeisu wa gnaknyi ase, wa ka əɓyi yi gna jesnu waa wo ga əwo dada.

43Ca wo ɓa əɓa vnyanya, ntu ikwo yaakwo Shekwoyi nya ɓo.Shi əzahozahoyi ɓə ye gnyi n ɓəwowoi ntu aɓo vnyanya ɓo n Yeisu ɓə kwu zhni nyi, wa gna əwo amwutuyi,

24Əfye kwa gyi zhi wa si Kaisariya. Kwonoliyos ɓə dna n əɓa awyetui jesnu wo ɓə la əwo əbyéɓala yezhi n abagbmanyi ɓədo n əwo anugwnudoi n ɓa wo vyivyiwyi n woi.

46Ntuge ɓa ɓə wo ɓa zhi ɓai daɓo n anyitala ədoi jesnu ɓai ci Shekwoyi.Nlonu Byitusu wa gna,

48Ntulonu wa ga əgbe nge a zhni ɓa batizima dna n Yeisu Kirisiti əye. Nlonu ɓa gna Byitusu nge wo la kwnudna n ɓai anyipyei fyewyi.

10A ɓə ba kwo dna wo ntu knyiɓei nu a? A ɓə ba kwo dna, ai kwu nyaznu zhni wo nu, kwo to ai zhni wo nyaznu nu ma?

15ntuge owa ɓe n minagyi napyeii. Jesnu aba n owa to lo m, aleifyizhni to lo n ɓo m.

17Ngye shi kwo kafyilo: "Mi la ho zhni dada abye bəgyé nya." Əwo nu zhni əyi dada ń Shekwoyi awyeba, əza n wo n gaiciyai ga n əwo nu; Shekwoyi n wo ga afyífyiyi wyewyeyi jesnu nyi, woi yi anya ń ɓa to ɓə shnisnusnu m, ɓa kwnuɓe ngye ɓa ɓə shnisnu.

1Njesnu Yeisu wa ya nyawu ma ń nuwna-znudna əgbe. Deeji ń kwo ɓə yezhi n shegwnu wo nyi, kwo ɓə mwabəgyé, kwa zhni wo wa lodna n əya nuwnanya, waa sase dna n kwo tu n nuwna-znudna. Aza vnyanya ɓə ma lo ncei n nuwnagbe.

14Fwanuyi bye ɓədagbma nu.

36Shi wo ɓə fa deeji zhi n avnu, ɓa la wo, shi wo ɓə ɓwagnyi nyi, ɓa lo wo dna n əya n kwnusnu n əɓahnii. Aya nunwanya aje ce ɓə kwnusnu n woi.

3Shebmyashi n bwugbafui ɓa ɓe da fye, n ɓa kwnu n Shekwoyi əyi Dada aba ɓədo n Dagayi Yeisu Kirisitii.

13Kirisiti gnaje lo nu u? Bwulus nu ń a ɓə znudu ntu əfye ɓo? A ɓə zhni fye batizima fyi n Bwulus əye nu?

26Əmi azaje azanugbai n anyikwozai, fye zhni əɓonubwo aza pya n fye ɓə zhni, əsa ń a ɓə yi fye nyi. Bəgyé n əfye, fye to ɓə cecei vyi zanyikwoci ɓəknawna nya m; bəgyé n fye, fye to ɓə kwnuce a kpmima fye m; bəgyé n fye, fye to ɓə zhni awyekpmiwuyi nu m.

10N dəye dadai, ma yashi n əwo apitabwada aba nabai ma ga wo mwamwa. Ama wa gna mi, "To zhni ce m! Mi zhni tnutnuyi nu ce n kwnusnu n hoi n əho azajei ɓədo n əho amapwii n ɓa n Yeisu ɓəgbmii shiɓwa nyi. Ga Shekwoyi mwamwa! Ntuge Zafnu sheɓəgwogna nya nu zhni Yeisu ɓəgbmiyi."

11Ma gye əshemi n gwuya gnyi jesnu ma gye dokwo bwui n gnyi n abaayi, ai yi əkwo gwnuyi ge, Gbenuyi jesnu Gaiciyayi. N ɓəfyecei nu n wo da owa jesnu woi snukwnú.

12Əwo awye wulo ngye əná-gwogwoi, jesnu wo ɓə n afnunyi bəgyéi kwnu n əwo tukwo. Wo ɓə n əyei ka tu n əwohni, ń əzahozahoyi ta kpe kwo əye lo m, akpe əwo n əwohnii.

7ɓədo n əjebwei n a ɓə ncei pa n Yeisu tukwo nyi. Əje yi ɓə ye yakpe n əkwo aba, n kpe n əkwo ɓwai, n aluweluwei nyai əkwo ɓwai ce.

10Nlonu amwutuyi ɓa jezelo aba n ɓa ɓə fyi nyi.

26Ń laadi gbmanyi avnu, əwo amwutuyi ɓə je fyi n pwuwa jesnu Toma ɓə kwnusnu n ɓai. Kwo shikwonyi akpakwo ɓə gwugwuyi, Yeisu wa ɓe wa gnyiagnyi dna n əɓa atasni jesnu wa gna ɓa, "Bwugbafu kwo kwnusnu n fyei!"

8Mi gyi fye əwye nu nge fye la əfye yeyewu je myignyi ga wo.

10Zahozahoyi n fya kwu abwizo wo, mi kwu abwizo wo ce. Jesnu əɓo n mi kwu əkwo abwizo; ngye əɓəho ɓəye nyi abwizo nya; mi kwu abwizo zo n Kirisiti abye ntu əfye ɓo,

16N əzaho aba, asní əfyi nya nu, ama n əzado aba, asní adadai nu n ɓa ɓe n wyewyeyii. Njesnu nyika nu kwnuce lo, n tnutnu ye pya ɓo a?

13"Owii ń əfye aba, owa anyawuyi ɓədo n Afarisiyii, əfye akwocednayi! Fye gwu əshebemi abwokwnumi ń aza awyeba. Əfye ń fyehni, fye too lofyi m, fye nyi ta fa azaje lo n ɓa ye ɓa lo nyi, nge ɓa lofyi m. [

24Əfye azokwowúyi awyebwayi! Fye gwo papala ya, ama fya myi lakwnumi.

30Njesnu fyei gna, ‘Yi ɓə gna ya gyianyì ń əyi azakwoyi əsa nu, yi to ɓə ɓa dnaɓwado n əɓai, n ɓa ze sheaɓəgwognayi ami ya nyi m.’

1Ń dəye avnu, Yeisu wa zna laɓa woi gbmi ń zhimi gbmanyi n zhigbai, woi lo aje, woi zhni waazi nabagyi manai Shekwoyi əbemi nya. Atnutnuloyi Awoceaba ɓə kwnusnu n woi,

23Shi ɓa ɓə fyilo ncei ń əya nuwnanya, waa wnagye. Əse kaláda kwa ɓe kpe n nuwna-znudna, əya nuwnanya kwa tu lo kwoi snúawyé n nuwnai; ɓa ɓə fyilo ń azhnìgye yaakwo nu.

35jesnu aza ɓa kwnuɓe ɓa gye əɓo ń kwo ɓə kwu zhni nyi. She ɓa ɓə ɓe Yeisu aba, ɓa gye əza yi shi ń ase ɓə kwnu n wo nyi, n sase shi ń Yeisu apita aba, n ajei kpe jesnu n dna ń əwohni ací; ədna kwa wo ɓa.

11Yeisu zhni" ‘Kwuta nu n əfye anyamiyi ɓə la kwo aɓəna,əkwo nu la zè nyakwnu ɓwakwonu kwuta.’

26Asu fyi n əknyi, ɓa la kwukazhijesnu abegyiyi ɓa kwu əgbepatu n Dagayi tukwo n əwo əza pmyapmyayii.’

33N kalá yaakwoi, atnutnuloyi ɓa gwodu, ɓa gbmi əɓo tu n Dagayi Yeisu kala la ɓo. Nlonu Shekwoyi shebmyashi ɓə zhni tnutnu n kalá yaakwoi fyi n əɓa vnyanya

2Kwo fyewyi! Əyi ń yi ɓə kwu fyí fyi n leifyizhni; kwo ɓa yezhni n wuna ya gwodu dna n anyìgyi leifyizhni nya a?

15To, yi zhni n wunanu a? Yi zhni aleifyi nu ntuge yi to fyi n owa snuta nu m, ama fyi ń shebmyashi? Kwo fyewyi!

19Mi da dəye dna ń zanyikwoci awyega nu, ntu əfye akalágba ɓo fyi ń əfyehni nayi. N ɓwasnu ngye she fye ɓə zhni fyei ga əfye anayi ngye afyenu aɓoajegbmi nya, jesnu fyi ń əkpízhni gna-abye-lolo nya, ntulonu nsaiye fye kwu əfyehni ga fyi ń fyenu ɓəfyecezhni nya kwa ɓe n gyigyii.

4Əsa n ɓa zhi n adubayaakwo, ɓa ta gyi nyagyi m akpəge ɓa la əɓa nayi zhnaya. Njesnu ɓai shi akwnunu aje bəgyé əɓwa, ngye abwoɓyiyi zhnaya, ashnapa ɓyiyi ɓədo n awyewnubwei.)

12nlonu to fya shna ye nge wo zhni ɓəhoɓəhoi ga əwo dada kwo əwo əya m.

24Yeisu wa fa abaayi wa lo aba n wo vyivyiwyi n Tayai. Wa lodna n pwuwa ama wo to ɓə ncei pma a kpe ce ye m; dudulonu wo to ɓə ye myi wa so əwohni n bəgyé aba m.