13 She Ayahudiyi Gnanaznu awyefna əsa ɓə la wo vyivyiwyi, Yeisu wa gwnulo Urishelima. 14 Dna n Dagayipwuwa ashilagyí wa gye aza fyi ɓai kwnu anakwo, aknyi, n alukpei, jesnu azaje n sase kpe n agyiwye shnayí atebwul. 15 Ntulonu wa pmyi knalufnyi n awnui, wa nya aza ya vnyanya n Dagayipwuwa ashilagyí, aknyi, n anakwoi; waa agyiwye zhnana shnayí gnamyi jesnu wa kwu əɓa atebwul knyianyikwnu. 16 Wa gna aza yi n ɓa ɓə kwnú alukpe nyi, "Fye kwnuya ń ya! Fye to zè əmi Dada pwuwa, agnyikwognyi aba m!" 17 Əwo amwutuyi ɓa pa nge a ncei kafyilo: "Wyenyi ntu n əho pwuwa ɓo, əkwo nu ɓa gyi mi tukwo."