Adiyaara Yọọn 7

Efiik Awo 144,000 Idiọọñọ ke Akpọiso

1 Ke ami amaakeboiyo, ami mmaakịt mme enyere inaañ naña eda ke inuuk ederimbod inaañ, enyʌñ emʌm mme afịm e-etooho mbeñ inaañ ekama mbaak afịm ndomokeed adifịme ke isọñ me ke inyañ me ke eto ndomokeed. 2 Ndin ami mmaakịt enyere mfen naña ato ke usakkautịn adi, anyʌñ akama ufiikñkpọ aduuwem Abasi. Anye amaakoot ke akpọsọñ uyio mme enyere inaañ e-ekenọọhọ adudu ebo editʌkkọ isọñ ye mme akpainyañ: 3 "Ikiitʌkkọ isọñ ye akpainyañ ye mme eto tutu ñnyịn inịm idiọọñọ ke akpọiso mme isʌñutom Abasi ñnyịn." 4 Ndin ami mmaakop ibad mbon emaekenịm idiọọñọ, ekedo 144,000 e-eketooho afịd ubon nditọ Isrel.

5 Se ikito ufọk Yuda e-ekenịmme idiọọñọ ekedo 12,000,

ake ufọk Rubịn 12,000,

ufọk Kaad 12,000,

6 ufọk Asa 12,000,

ufọk Naftali 12,000,

ufọk Manase 12,000,

7 ufọk Simiọn 12,000,

ufọk Lifai 12,000,

ufọk Isakka 12,000,

8 ufọk Sebulọn 12,000,

ufọk Yosef 12,000, ye

ufọk Benyamin 12,000.