Hebreus 12

Abasi Atʌnọ Nditọ Amọ

1 Ke ntoro, sia utọ ekamba udịm mme ntiense ami ikannake ñnyịn ekʌk, yak ñnyịn itoomo afịd mme ñkpọ i-ibiọọñọke ñnyịn ye idiọọkñkpọ i-isịnne ñnyịn ukad iduọñọ. Yak isịn ifịk ifeghe itọk nduba e-ekenịmme inọọ ñnyịn. 2 Ñko, yak iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, asọọn ndọk krọs, anyʌñ asuuk atie ke ubọk nnasia ke ebekpo Abasi. 3 Kere baña anye a-akeyọọhọ utọ mfiomo ado ke ubọk mme ndiọi awo, mbaak afo udukop mmemidem unyʌñ uduọ esịd.