1 Abọọñ amaabo Moses mme Erọn ate: 2 "Yak nditọ Isrel enam itie nnaa ammọ nsan-nsan ekanna atayad mbono ekʌk, ammọ keedekeed ke idak ñkpọ idiọọñọ ammọ enyʌñ ekama mme afọñidiọọñọ ufọk ete ammọ."

3 Yak ikpeghe mbon Yuda enịm itie

nnaa ke idak ñkpọ idiọọñọ ammọ ke usakkautịn. Adadusʌñ nditọ Yuda ado Nasọn ayịn Aminadab. 4 Ikpeghe ubon amọ ado awo tọsịn ata mme duob mme inaañ mme ikie itiokeed (74,600).

5 Yak aduuk Isaka enịm itie nnaa ammọ ekpere ammọ. Adadusʌñ nditọ Isaka ado Natandiel ayịn Suaa. 6 Ikpeghe ubon amọ ado awo aba mme duob mme inaañ mme ikie inaañ (54,400).

7 Esiin Sebulọn adiido udiana. Adadusʌñ nditọ Sebulọn ado Eliab ayịn Helọn. 8 Ikpeghe ubon amọ ado tọsịn aba mme duob mme itiaba, mme ikie inaañ (57,400).

9 Afịd ideen e-enọọhọ nọ eba ke itie nnaaekọñ Yuda, akeene mme ikpeghe ubon ammọ edo awo tọsịn ikie keed mme anaañ mme itiokeed, mme ikie inaañ (186,400). Ammọ ediido akpa adito ñwuọ.

10 Yak mme ikpeghe ubon Rubịn ke

idak ñkpọ idiọọñọ ammọ eba ke usuuk. Adadusʌñ aduuk Rubịn ado Elisọ ayịn Sedọọ. 11 Ikpeghe ubon amọ ado tọsịn aba mme itiokeed mme ikie inaañ (46,400).

12 Esiin Simiọn eyaenam nnaaekọñ ediana ammọ. Adadusʌñ aduuk Simiọn ado Selumiel ayịn Surisadai. 13 Ibad awo ke ikpeghe ubon amọ ado tọsịn aba mme duob mme usʌkkeed mme ikie ita (59,300).

14 Esiin Kad eyaediana do. Adadusʌñ ke atu ubon Kad ado Eliasaf ayịn Rewel. 15 Ibad awo ke ikpeghe amọ ado tọsịn aba mme ition mme ikie itiokeed mme aba mme duob (45,650).

16 Afịd ideen se ekebat esịn ke nnaaekọñ Rubịn, akeene mme ikpeghe ubon ammọ ekedo tọsịn ikie mme aba mme duob mme keed mme ikie inaañ mme aba mme duob (151,450). Ammọ ediido ayọhọ iba adisaña ñwuọ.

17 Ndin atayad mbono ye anwa mbono nditọ Lifai adiiwʌhọ ke ufọọd anwa mbono. Ammọ ediisaña iwuọ ukem naña ammọ ekebono ke mme atayad, keedekeed ke mme itie ammọ ke ndaha ammọ.

18 Ke edem usobutịn adiido:

mme ikpeghe nnaaekọñ Ifrem ke ndaha ammọ. Adadusʌñ ke aduuk Ifrem ado Elisama ayịn Amihud. 19 Ibad awo ke ikpeghe ubon amọ ado tọsịn aba mme ikie ition (40,500).

20 Esiin Manase ediisaña idiana ammọ. Adadusʌñ ke aduuk Manase ado Kamaliel ayịn Pedasọ. 21 Ibad awo ke ikpeghe ubon amọ ado tọsịn edịb mme duob mme iba mme ikie iba (32,200).

22 Esiin Benyamin eyaesaña ediana do. Adadusʌñ ke aduuk Benyamin ado Abidan ayịn Kidiọni. 23 Ibad awo ke ikpeghe ubon amọ ado tọsịn edịb mme duob mme ition mme ikie inaañ (35,400).

24 Afịd ideen ekebatta esịn ke nnaaekọñ Ifrem, akeene ikpeghe ubon ammọ akedo tọsịn ikie mme itiaita mme ikie keed (108,100). Yak ammọ esaña ewuọ ke ayọhọ udịm ita.

25 Ikpeghe ubon nnaaekọñ Daan ediiba ke adoro ke idak ñkpọ idiọọñọ ammọ. Adadusʌñ ke atu ubon Daan ado Ahiesa ayịn Amisadai. 26 Ibad awo ke ikpeghe ubon amọ ado tọsịn ata mme iba mme ikie itiaba (62,700).

27 Esiin Asaa adiikeene Daan ke edem. Adadusʌñ ke aduuk Asaa ado Pakiel ayịn Okran. 28 Ibad awo ke ikpeghe ubon amọ ado tọsịn aba mme keed mme ikie ition (41,500).

29 Esiin Naftali eyaesaña ediana. Adadusʌñ ke aduuk Naftali ado Ahira ayịn Enan. 30 Ibad awo ke ikpeghe ubon amọ ado tọsịn aba mme duob mme ita mme ikie inaañ (53,400).

31 Afịd ideen se ekebat esịn ke nnaaekọñ Daan ekedo tọsịn ikie mme aba mme duob mme itiaba mme ikie itiokeed (157,600).

32 Mbon ami edo nditọ Isrel, ekebatta ekeene mme ufọk ammọ. Afịd ideen ke itie nnaaekọñ, akeene mme ikpeghe ammọ edo tọsịn ikie itiokeed mme ita mme ikie ition mme aba mme duob (603,550). 33 Ado awo ikibatta mme Lifai isịn ke atu nditọ Isrel mbon ñko kpa naña Abọọñ akenọọ Moses uyio.

34 Do ndin nditọ Isrel emaenam afịd ñkpọ ekeene naña Abọọñ akenọọ Moses uyio; naña ammọ ekenam nnaaekọñ ammọ ado ke idak mme ñkpọ idiọọñọ ammọ, naña ammọ ekenyʌñ esaña ado ado, ammọ keedekeed ye aduuk mme ubon ammọ.