हितोपदेश 5

8 त्यस्ती स्त्रीको मार्गदेखि टाढै बस,

त्यसको घरको ढोका नजिक जाँदै नजाओ!

9 नत्रता तिमीहरूले आफ्नो इज्जत अर्काका हातमा दिनेछौ,

र तिमीहरूको प्रतिष्‍ठा*5:9 अथवा वर्षहरू निर्दयीको हातमा पर्नेछ,

10 अनि अरूले तिमीहरूको धनसम्पत्तिमा चैन गर्नेछन्,

र तिमीहरूका परिश्रमले अर्काको घरलाई समृद्ध तुल्याउनेछ।

11 जीवनको अन्तिम समयमा तिमीहरूले विलाप गर्नेछौ,

जब तिमीहरू गलेर हाड र छाला हुनेछौ।

12 तब तिमीहरूले भन्‍नेछौ, "हाय मैले कसरी अनुशासनलाई घृणा गरेँ,

र कसरी मेरो हृदयले सुधारलाई लत्यायो!

13 मैले मेरा शिक्षकहरूको आज्ञापालन गरिनँ,

र मलाई सिकाउनेहरूको कुरामा ध्यानै दिइनँ।

14 परमेश्‍वरका मानिसहरूको सभामा,

म पूरै सर्वनाशको खाडलमा आइपुगेको छु।"