मूर्खताको विरुद्धमा चेतावनी
1 हे मेरो छोराछोरी, यदि तिमी आफ्नो छिमेकीका जमानी बसेका छौ भने,
वा पराईसँग वाचा बाँधेका छौ भने,
2 यदि आफूले बोलेको कुरामा तिमी फसेको छौ भने,
र आफ्नै मुखको वचनले पासोमा फस्यौ भने,
3 हे मेरो छोराछोरी, तिमी आफ्नो छिमेकीको पन्जामा परेको हुनाले;
आफूलाई मुक्त पार्न यसो गर:
जाऊ र आफूलाई नम्र पार,
र छिमेकीसँग खुरन्धार बिन्ती गर।
4 तिम्रा आँखाहरूलाई सुत्न नदेऊ,
र तिम्रा आँखाको पलकलाई निदाउन नदेऊ।
5 शिकारीको हातबाट हरिण उम्केजस्तै,
व्याधाको हातबाट चरा फुत्केजस्तै तिमीले आफूलाई मुक्त गर।