Pọl Ye Banabas Ebahade Eda
36 Ke esisit ini ama ekebe, Pọl ama ọdọhọ Banabas ete, "Yak ñnyin ifiak ika ikese mme nditọ ete ñnyin ke kpukpru mme ikpọ obio emi ñnyin ikọkwọrọde ikọ Abasi, inyuñ ise nte mmọ ekade iso". 37 Banabas ama oyom ndida Jọn Mak asaña ye mmọ ke isañ emi, 38 edi Pọl ikekereke nte ke enen ndikpada enye koro enye mikesañake ye mmọ tutu osim utit isañ mmọ, edi ama efehe ọkpọñ mmọ ke Pamfilia ọnyọñ. 39 Ọkpọsọñ eneni ama odu ke ufọt mmọ emi ekabaharede mmọ. Banabas ama ada Mak osio aka Saiprọs, 40 ke ini Pọl ekemekde Sailas ada adaha, ke mme nditọ ete ema ekeyak mmọ esin ke ubọk mfọn Abasi. 41 Enye akasaña ebe ke Siria ye Silisia, ndisọñọ mme ufọk Abasi idem.