3 Koro ke akpanikọ mbufo emefiọk emi ete, ke ini ñnyin ikanade babtisim iduk ke ebuana ye Kraist Jisọs, ñnyin ikana babtisim iduk ke ebuana ñkpa Esie. 4 Ke edina babtisim ema ebuk ñnyin ye Enye, ndien ñnyin ima ibuana ke ñkpa Esie, man otodo, kpa nte ekemenerede Kraist esio ke ñkpa oto ke utibe odudu Ete, kpa ntre ñko ñnyin ikpodu obufa uwem.
11 Kpa ke ukem usuñ oro, mbufo enyene ndibat idem mbufo nte mme mmọ emi ekpade enọ idiọkñkpọ edi edude uwem enọ Abasi, ke ebuana ye Kraist Jisọs.
22 Edi ke emi, ema enam mbufo ewọñọ ke ufin idiọkñkpọ, emenyuñ ekabade edi ifin Abasi; ndien udori emi Enye ọnọde mbufo edi edisana uwem ye nsinsi uwem. 23 Koro ñkpọ eyenutom idiọkñkpọ edi ñkpa, edi enọ mfọn Abasi edi nsinsi uwem ke Kraist Jisọs Ọbọñ ñnyin.