बधान 13

झ़ुठै गूर

1,2 मोसा बोलअ इज़राईली लै इहअ, "केभै सका आजू इहअ बी हई कि तम्हां सेटा कुंण गूर या इहअ मणछ एछे ज़ुंण तम्हां का नछ़ैण अर च़मत्कार रहैऊए या आजू हणैं आल़ी गल्‍ला प्रगट करी इहअ बोले, ‘च़ाल्‍ला हाम्हां डेऊणअ तिन्‍नां देअआ पूज़दै, ज़ेतो तम्हां का आझ़ तैणीं थोघ ई निं आथी।’ 3 ज़ै कुंण गूर इहअ बोले, तेऊए गल्‍ला निं मनी आथी! थारअ परमेशर बिधाता परखा तम्हां इना करै अर सह हआ ऐहा गल्‍ला भाल़अ लागअ द कि तम्हैं तेऊ लै आपणअ सारअ मन्‍न, प्राण अर आपणअ सारअ ज़ोर लाई झ़ूरा कि नांईं। 4 तम्हैं रहै आपणैं परमेशर बिधाता लै पठी शुचै-पाक्‍कै। तम्हैं मनै सिधै बिधाते हुकम अर तम्हैं करनी सिधी तेऊए ई च़ाकरी अर एता पूरै करना लै लोल़ी तम्हां सदा हैल़अ-फिकर हुअ।