जेरमयाह 20

14 ✝ 20:14 आयू. 3:1-19 तैहा धैल़ी लै आसा फिटक ज़धू मेरअ ज़ल्म हुअ!

तैहा धैल़ी निं बर्गत लोल़ी भेटी ज़धू मुंह बारी मेरी ईज सूई।

15 तेऊ मणछा लै बी आसा फिटक ज़ुंणीं

मुंह हणें एही खबर खोज़ी मेरै बाबा लै खुशी दैनी,

"बधाई हुई! भाऊ हुअ!"

16 तेऊ मणछे दशा लोल़ी तैहा नगरी ज़ेही हुई

ज़ुंण बिधाता नर्दैई हई ढोल़ी पाई।

तेऊ मणछा लोल़ी दोत्ती लेर-पकार अर दपहरै लोल़ी जुधे हाक्‍का-पकारा शुण्हुंई,

17 किल्हैकि तेऊ मणछै निं हुंह ज़ल्म हणैं का आजी हुंह मेरी माए ओदरै मारअ आथी,

तै हणअ त मेरी ईजो ओदर ई मुल्है मुल्दै दाबणे घोरी ज़िहअ।

18 हुंह किल्है निखल़अ मेरी माए ओदरा का बागै?

एते तैणीं कि हुंह सारी ज़िन्दगी दुख-तकलिफी, उपद्रभ अर

खिरी बेइज़त हई मरूं?