जेरमयाह 29:10-14

10 बिधाता बोला इहअ, "ज़ांऊं थारै बाबेल देशै गलामी दी सत्तर साला बितणी, तेखअ एछणअ हुंह तम्हां सेटा लै, तेखअ हणीं मेरी तम्हां लै दैनी दी भली ज़बान पूरी कि तम्हैं आणनैं मुंह घअरा लै बापस फरेऊई।✝29:10 2 इति. 36:21; जेर. 25:11; दान. 9:2 11 ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्‍नी करने आथी। मेरी सोठ हणीं एही ज़ेथ आजू तम्हां आशा रहे। 12 तेभै करनी तम्हां मुंह सेटा अरज़ अर मुंह हेरनी थारी शूणीं। 13 तेभै लागणै तम्हैं दिला का मुंह लोल़ै अर तम्हां जाणअ हुंह भेटी।✝29:13 बधा. 4:29 14 हाँ, हुंह बोला भाल़, तम्हैं लागणै मुंह लोल़ै अर मुंह आणनैं तम्हैं गलामी का बापस काढी थारी आपणीं ज़ैगा लै। मुंह झाल़णैं तम्हैं संसारे हर देशा अर हर ज़ैगा का ज़ेथ मंऐं तम्हैं छिंगी आसा डाहै दै। तम्हैं झाल़णैं मुंह भिई ऐहा ई ज़ैगा ज़िधा का काढी मंऐं तम्हां गलामी दी दैनअ डेऊणैं। अह गल्‍ल डाही मंऐं बिधाता बोली।