7 तूह डाह हैअ, तूह करै सिधअ एतरअ कि ज़ुंण बधान मंऐं मेरै दास मोसा का दैनअ त, तेऊ मनै ज़िहअ मंऐं खोज़अ तिहअ ई। तेता का निं ओर्ही नां पोर्ही फिरी, अर तूह ज़िधी-ज़िधी बी डेओए, तिधी-तिधी हणअ तेरअ हर काम सफल। 8 बधाने अह कताब निं लोल़ी तम्हैं कधि बिस्सरी, एता करै धैल़-राच उझ़दी-बेशदी पहल़ी अर ज़ुंण एथ लिखअ द आसा, तेऊ साबै लोल़ी तम्हैं ज़िन्दगी ज़िऊई। तै हणैं तम्हैं ऐहा ज़ैगा सोभी गल्‍ला दी सफल।✝ 9 इहअ डाहै आद कि ताल्है आसा मंऐं हुकम किअ द, तूह डाहै हैअ! तूह निं डरी आथी अर नां हैअ चोल़ी। किल्हैकि ज़िधी-ज़िधी तूह डेओए, तिधी-तिधी रहणअ हुंह तेरअ परमेशर बिधाता ताह संघै आप्पै।"