MARIKU 6

22 Nafunda gwa Herodiya pakingiriti kuvina, kamherepeziya Herodi na wahenga wakuwi. Su mtuwa kamgambira muhinga ulii, "Gunduwi shintu shoseri shagufira na neni hanukupanani." 23 Kalirapa kayi, "Hanukupanani shoseri shagufira, ata nusu ya ufalumi wangu!"

24 Palaa palii, nafunda ulii kagenda kumkosiya mawu gwakuwi, "Nduwi shishi?"

Nayomberi kamwankula, "Guluwi mtuwi gwa Yohani Mbatiza."

25 Nafunda ulii katuga mpaka kwa mtuwa na kumluwa, "Nfira gumpanani vinu vinu muluselu mtuwi gwa Yohani Mbatiza!"

26 Mtuwa moyu gumtama nentu, kumbiti kaweziti ndiri kulema, toziya kalirapiliti palongolu pa wahenga wakuwi. 27 Su mtuwa kamlagilira mjagira palaa palii hakajegi mtuwi gwa Yohani. Mjagira kagenda mushibetubetu na kumdumula Yohani mtuwi. 28 Shapakanu kawujega mtuwi gulii muluseru na kumpanana nafunda ulii. Nayomberi kampanana mawu gwakuwi.