यहेजकेल 15

अंगुर ना वेला नो दाखलो

1 अळतेण यहोवा नो आहयो बोल मारीन्‌तां पुग्‌यो, 2 "ए माणेह नी अवल्‌यात," आखा झाड़ु मे अंगुर ना वेला नी ह़ु कीमत से? अंगुर नी डाळ जे जंगल नी वच मे उगे, तीनी मे ह़ु गुण से? 3 ह़ु कंय चीज बणाव्‌वा करीन तीनी मे गेथु लाकड़ु लेय, नीता ठाहरु टांगवा करीन तीनी मे गेथी खुटी बण सके? 4 तीने ते बळतण बणावीन आक्‌ठु मे धपाड़े; तीना बेम मुंडा आक्‌ठु मे धप जाय, अने तीनी वच मे नो हीस्‌सो रोखड़ो बण जाय, ह़ु तीहयो कंय बी काम नो से? 5 देख, जत्‌यार तीहयो बणलो हतो, ते बी तीहयो कंय काम नो नी हतो, अळतेण जत्‌यार तीहयो धपीन रोखड़ो बण ज्‌यो, ता ह़ु काम नो हय सके?

6 करीन मालीक यहोवा आसम केय, "जेम जंगल ना झाड़ु मे गेथो में अंगुर ना वेला ने आक्‌ठु नी बळतण बणाय देम, तेमेत में यरुसलेम ना रेवा वाळा ने खत्‌तम कर देही। 7 में तीमना वीरोद मे हयही, तीहया एक आक्‌ठु मे गेथा नीकळीन अळतेण बीजु आक्‌ठु नी बळतण बण जहे; जत्‌यार में तीमनी सी मारु मोडु फीरवी लेही, ता तु जाण लेहु के मे यहोवा से। 8 में तीमनु देस उजाड़ देही, काहाके तीहया मारो भरहो तोड़ला से, मालीक यहोवा आसमेत केय।"