20 परमेस्वर फिर कही, "पानी, कई तराहनी के जिंदे प्राड़िन से भर जाबै, और आसमान तमान तरहन के पक्छिन से भर जाबै।" 21 ऐसे करकै परमेस्वर बड़े-बड़े पानी के जन्तुन कै बनाई, और पानी मैं हर तरहन के रहनबारे प्राड़ी और हर तरहन के पक्छिन कै बनाई। और ऐसो होत सब देखकै परमेस्वर कहथै कि अच्छो है। 22 और प्रभु जौ कहकै सबन कै आसीस दई कि पानी मैं रहनबारे सब प्राड़ी समुंदर मैं भर जाबौ, और पक्छी अनगिनत गिनती मैं बढ़ैं। 23 संजा बीती और भोर भौ-ऐसे करकै पाँचमों दिन हुई गौ।
24 तौ परमेस्वर फिर आग्या दई, पृथ्वी के जीव जन्तुन कै अपनी जाति के हिसाब से सब तराहनी के पैदा हुई जामैं मतलब पालतू जानवर, नेंगनबारे जन्तु और जंगली जन्तु पैदा होमैं - और बैसोई भौ।