उत्पत्ति 11

5 लेकिन प्रभु बौ सहर और गुम्मट कै देखन ताहीं नीचे आओ, जो बे लोग बनात रहैं। 6 और प्रभु कही, "देखौ, जे एकै जाति के लोग है। जे सबन की भासा भी एकै है। जौ तौ उनके आन बारे समय के कामन की सुरुवात है। जो काम बे अग्गु करनो चाहंगे, बौ उनके ताहीं नामुमकिन ना होगो! 7 तौ आबौ आपन नीचे जाएकै उनकी भासा मैं ऐसी गड़बड़ी करैं कि बे एक दुसरेन कै नाय समझ पामैं।" 8 ऐसिये करकै प्रभु उनकै पूरी पृथ्वी मैं तितर-बितर कर दई, और बे सहर बनानो छोड़ दईं। 9 बौ सहर को नाओं बेबीलोन रखो गौ, काहैकि हूँना परमेस्वर सब लोगन की भासा मैं गड़बड़ी कर दई, और हूँनै से बौ उनकै पूरी पृथ्वी मैं तितर-बितर कर दई।