18 और सालेम को राजा मलिकिसिदेक अब्राहम के झोने रोटी और दाखरस लै आओ, बौ परमप्रधान परमेस्वर को पुजारी रहै। 19 और अब्राम कै जौ कहकै आसिर्वाद दई, "परमप्रधान परमेस्वर, स्वर्ग और पृथ्वी को रचना करन बारो, अब्राम कै आसीस देबै! 20 परमप्रधान परमेस्वर, जो तुमकै आसीस करकै तुमरे दुस्मन ऊपर जीत दिबाई, बाकी स्तुति करौ!" और फिर अब्राम मलकीसेदेक कै सारे लूट के धन मैं से दसमों हिस्सा दई जो बौ लूटी रहै।
Publicidade