हाजिरा और इस्माएल
1 अब्राम की बईय्यर सारा की औलाद नाय रहै। लेकिन बाके झोने हाजिरा नाओं की एक मिस्री दासी रहै, 2 सारा अब्राम से कही, "प्रभु मोकै कोई औलाद नाय दई है, जौ बजह से मैं तोसे बिनती करथौं कि तू मेरी दासी के झोने जा; और ऐसो करकै बाके जरिया मैं बालका बारी बन जामौं।" सारा की बात अब्राम मान लई। 3 जब अब्राम कै कनान देस मैं रहत दस साल गुजर चुके। तौ बाकी बईय्यर सारा अपनी मिस्री दासी हाजिरा कै लैकै अपने लोगा अब्राम कै दै दई, कि बाकी बईय्यर बन सकै। 4 अब्राम हाजिरा के झोने गौ और बौ गर्भवती भई; जब बाकै लगो कि मैं गर्भवती हौं तौ बौ अपनी मालकिन सारा कै अपनी नजर मै तुच्छ समझन लागी।
15 हाजिरा से अब्राम को एक लौड़ा पैदा भौ, और बौ बाको नाओं इस्माएल रखी। 16 जब हाजिरा अब्राम के जरिये इस्माएल कै जन्माई रहै, बौ समय अब्राम छियासी साल को रहै।