5 जौ बजह से अब से तेरो नाओं अब्राम न रहेगो लेकिन तेरो नाओं अब्राहम होगो; काहैकि मैं तोए सब रास्ट्रन को मूलपिता ठहराए दौ हौं।
10 मेरे संग बाँधी भई वाचा जोको पालन तोकै और तेरे वंस कै करने पड़ैगो बौ जौ है तुम मैं से हर एक खतना करो जाबै।
16 मैं बाकै आसीस दुँगो, और तोकै बाके जरिया एक लौड़ा दुँगो। और मैं बाकै ऐसी आसीस दुँगो कि बौ रास्ट्रन की मूलअईय्या बन जागी; और बाके वंस मैं राज्य-राज्य के राजा जनम लेंगे।"
17 तौ अब्राहम मोहों के बल गिरकै हँस पड़ो, और मन ही मन कहन लगो, "का सौ साल के आदमी से बालक पैदा होगो और का सारा जो नब्बे साल की है बौ बालकन कै जनम देगी?" 19 तौ परमेस्वर कही, जरूर तेरी बईय्यर सारा को तोसे एक बालका पैदा होगो; और तू बाको नाओं इसहाक रखिये; और मैं बाके संग ऐसी वाचा बाँधंगो जो बाके बाद बाके वंस के संग हमेसा-हमेसा की वाचा होगी।
23 तौ अब्राहम अपने लौड़ा इस्माएल कै लई और बाके घर मैं जित्ते पैदा भै रहैं, और जित्ते बाके रुपईया से मोल लै भै दासन को, मतलब बाके घर मैं जित्ते लोग रहैं, बे सबन को बहे दिन खतना करी कैसे परमेस्वर बासे कही रहै।