3 रात कै परमेस्वर सपने मै अबीमेलेक से कही, "सुन, जो बईय्यर कै तैं रखो है, बाके बजह से तू मर जागो, काहैकि बौ सादीसुदा है और बाको लोगा है।"
4 लेकिन अबीमेलेक अबले सारा के झोने नाय गौ रहै; तौ बौ कहथै, "प्रभु, का तू देस के निर्दोस आदमी कै भी मार डारैगो? 5 का बौ खुद मोसे ना कही, कि बौ मेरी बहेनिया है और बौ बईय्यर भी खुद कही, कि बौ मेरो भईय्या है, मैं तौ अपने निस्कपट मन और निर्दोस हाथ से जौ काम करो।"
6 परमेस्वर बासे सपने मै कही, "मैं जानथौं कि तू निस्कपट मन से जौ काम करो है, और मैं तोकै रोके भी रखो कि तैं मेरे खिलाफ पाप ना करै; जहे बजह से मैं तोकै बाकै छून तक नाय दौ। 7 अब बौ लोग की बईय्यर लौटा। काहैकि बौ भविस्यवक्ता है, और तेरे ताहीं प्रार्थना करैगो, और तू जीत रहगो, लेकिन अगर तू बाकै नाय लौटागो तौ याद रख कि, तू और तेरे जित्ते लोग हैं बे सब मर जांगे।"