इसहाक को जनम
1 प्रभु सारा से जो कही रहै बैसिये करी और सारा कै आसीस दैकै अपनो वादा कै पूरो करी, 2 सारा अब्राहम से गर्भवती भई, बौ बहे निर्धारित समय मैं, जोके बारे मैं परमेस्वर कही रहै, अब्राहम से बाके बुढ़ापे मैं लौड़ा कै जनम दई। 3 अब्राहम अपने लौड़ा को नाओं जो सारा से पैदा भौ रहै, इसहाक रखी, 5 जब अब्राहम को लौड़ा इसहाक पैदा भौ रहै तौ बाकी उम्र सौ साल की रहै। 6 और सारा कहथै, "परमेस्वर मोकै हसाई है, तौ सब सुननबारे भी मेरे संग हसंगे।" 7 फिर सारा जौ भी कहथै, "कौन अब्राहम से कह सकथै, कि सारा बालकन कै दूध पिबागी। फिर भी देखौ मैं अब्राहम के बुढ़ापा मै एक लौड़ा कै जनम दौ।"