अब्राहम की परिक्छा
1 जे सब बात होन के बाद एसो भौ कि परमेस्वर अब्राहम कै आजमाथै; और बासे कहथै "अब्राहम!" और बौ जबाब देथै, "हाँ, देख मैं हिंयाँ हौं!"
2 परमेस्वर कही, "अपने इकलौते लौड़ा इसहाक कै जोसे तू प्यार करथै, संग लैकै मोरिय्याह देस मै चले जा, और हूँना बाकै एक पहाड़ के ऊपर जो मैं तोए बतांगो और तैं अपने लौड़ा कै अग्नि-बलि मैं चढ़ा।"
3 अब्राहम दुसरे दिन तड़के सुबेरे उठो और अपने सफर के ताहीं गधा कै तैयार करी, और अपने दुई सेवकन और अपने लौड़ा इसहाक कै संग लई, और अग्नि-बलि के ताहीं कठिया काटी और बौ जघा कै निकर पड़ो जोकि चर्चा परमेस्वर बासे करी रहै। 5 और अब्राहम अपने नौकरन से कही, "गधन के झोने हीनै ठहरे रहबौ; मैं और मेरो लौड़ा हूँना ले जाएकै और आराधना करकै, फिर तुमरे झोने लौट आंगे।" 7 इसहाक अपने दऊवा अब्राहम से कही, "मेरे दऊवा, बौ कहथै हाँ, मेरे लौड़ा का बात है?" इसहाक कही, "देख, आगी और कठिया तौ हैं; लेकिन बलि के ताहीं भेंड़ कितै है?"
8 अब्राहम जबाब दई, "मेरे लौड़ा, परमेस्वर अग्नि-बलि के ताहीं मेम्ना को इंतजाम खुद कर लेगो।" और बे दोनो संग-संग अग्गु चलत गै।
11 पर परमेस्वर को स्वर्गदूत स्वर्ग से पुकारकै कही, "अब्राहम, अब्राहम!" बौ जबाब दी, "हाँ मैं हिंयाँ हौं।"
12 फिर बौ कही, "जौ लौड़ा के ऊपर हात मत बढ़ा, और ना जाकै कछू कर; काहैकि तू मोसे अपने लौड़ा बल्कि अपनो इकलौतो लौड़ा कै भी ना रख छोड़ो; जासे मैं अब जान गौ कि तू परमेस्वर को भय मानथै।"
13 अब्राहम अपने चारौ घाँईं देखथै, कि बाके पच्छू एक भेड़ा अपने सींगन से एक झोंगड़ मैं फसो भौ है, तौ अब्राहम जाएकै बौ भेंड़ा कै लई, और अपने लौड़ा की जघा मै अग्नि-बलि करकै चढ़ाई। 14 अब्राहम बौ जघा को नाओं "प्रभु यीरे रखी।" इसलै आज ले कहो जाथै, "प्रभु के पहाड़ मैं प्रबंध होगो।"
18 और पृथ्वी की सब जाति खुद कै तेरे वंस की बजह से आसीस पामंगे- काहैकि तू मेरी बात मानो है।"22:18 प्रेरि 3:25