35 इसहाक जबाब दई, "तेरो भईय्या आएकै मोए धोखा दई। बौ तेरो आसीर्वाद छीन लई है।"
36 एसाव कही, "बाको नाओं याकूब ठीकै रखो गौ रहै। बौ दुई बार मोकै धोखा दई है। पहले तौ मेरो जेठो लौड़ा हो को अधिकार लै लई, और अब मेरो आसीर्वाद भी छीन लई। एसाव पूँछी, का तैं मेरे ताहीं कोई आसीर्वाद नाय बचाएकै रखो है?"
41 एसाव अपने भईय्या से बाके दऊवा के दै भै आसीर्वाद के बजह से बैर रखन लगो। बौ सोची, "मेरे दऊवा की मौत मैं सोक मनान को समय झोने आए गौ है; फिर मैं अपने भईय्या याकूब कै मार डारंगो।"