16 यहूदा जबाब दई, "हम तोसे का कह सकथैं स्वामी?" हम कैसे बहस कर सकथैं? और हम खुदकै कैसे निर्दोस कर सकथैं? परमेस्वर हमरे अपराध और पाप कै उजागर कर दई है। अब हम सब तेरे दास हैं, सिरफ बाकै छोड़कै जोके झोने प्यालो मिलो रहै।
यहूदा बिन्यामीन के ताहीं प्रार्थना करी
18 यहूदा यूसुफ के झोने गौ और कही, "स्वामी, महरबानी करकै मोकै तेरे अग्गु खुलकै बात करन की इजाजत दे। मोसे गुस्सा मत करिये; तैं तौ खुद राजा फिरौन के तराहनी है।"
32 जासे भी जाधा करकै, मैं लौड़ा के ताहीं अपने दऊवा कै अपनी जिंदगी गिरमी रख दौ। मैं बासे कहो कि अगर मैं तेरे लौड़ा कै तेरे झोने बापस नाय लाए पांगो, तौ मैं पूरी जिंदगी भर जाको दोस झेलत रहेंगो। 33 इसलै अब कृप्या इजाजत दे, कि जौ लौड़ा की जघा मैं तेरो जौ सेवक अपने स्वामी को गुलाम बनकै रहबै, और लौड़ा अपने भईय्यन के संग लौट जाबै। 34 काहैकि लौड़ा के बगैर मैं कैसे अपने दऊवा के झोने बापस जाए सकथौं? मैं अपने दऊवा ऊपर जौ दुख आत भै नाय देख सकथौं।"