ଦାନିୟେଲ୍‌ 11

5 ଦାକ୍ଷିଣ୍‌ସାଃରେୟାଃ ଦିଶୁମ୍‌ ମେନ୍‌ଲେରେ, ମିସାର୍‌ ଦିଶୁମ୍‌ରେନ୍‌ ରାଜା ପେଡ଼େୟାନ୍‌ନିଃ ହବାଅଃଆଏ। ମେନ୍‌ଦ ଆୟାଃ ସିପାଇକଆଃ ହାକିମ୍‌କଏତେ ମିହୁଡ଼୍‌ ପୁରାଃଗି ପେଡ଼େୟାନ୍‌ ହବାକେଦ୍‌ତେ ଆୟାଃ ଆପ୍‌ନାଃ ରାଇଜ୍‌କେ ପୁରାଃ ପେଡ଼େଃତେ ରାଇଜେୟା। 6 ଚିମିନ୍‌ ବାରାଷ୍‌ ତାୟମ୍‌ତେ ଇନ୍‌କୁଆଃ ଥାଲାରେ ସାଙ୍ଗାତି ହବାଅଃଆ ଓଡ଼ୋଃ ଦାକ୍ଷିଣ୍‌ସାଃରେୟାଃ ଦିଶୁମ୍‌ରେନ୍‌ ରାଜାରାଃ ହନ୍ତେକୁଡ଼ି, ଉତ୍ତାର୍‌ସାଃରେୟାଃ ଦିଶୁମ୍‌ ମେନ୍‌ଲେରେ, ସିରିୟାରେନ୍‌ ରାଜାତାଃ ହିଜୁଃକେଦ୍‌ତେ ନ୍ୟାୟ ରିକାଏୟାଏ। ମେନ୍‌ଦ ଏନ୍‌ କୁଡ଼ି ଆୟାଃ ଆକ୍‌ତେୟାର୍‌ କାଏ ଦହ ଦାଡ଼ିୟା ଓଡ଼ୋଃ ଏନ୍‌ ରାଜା ହଗି ଆୟାଃ ଆକ୍‌ତେୟାର୍‌ କାଏ ଦହ ଦାଡ଼ିୟା। ଏନ୍‌ ଦିପିଲିରେ ଏନ୍‌ କୁଡ଼ି ଓଡ଼ୋଃ ଅକନ୍‌କ ଆଇଃକ୍‌କେ ଆଉକାଇ ତାଇନାକ ଇନ୍‌କୁ, ଆୟାଃ ଆପୁତେ ଓଡ଼ୋଃ ଏନ୍‌ ଦିପିଲିରେ ଅକଏଚି ଆଇଃକ୍‌କେ ପେଡ଼େଃ ଏମାକାଇ ତାଇକେନାଏ ଇନିଃ, ସବେନ୍‌କ ଜିମାଅଃଆକ।