ଟୁଣ୍ଡୁ ଦିପିଲି
1 ଏନ୍ ଦିପିଲିରେ ଆମାଃ ହଡ଼କକେ ଦେଙ୍ଗାତାନ୍ ମାରାଙ୍ଗ୍ ଗମ୍କେ ମିଖାୟେଲ୍ ବିରିଦାଏ ଓଡ଼ୋଃ ହଡ଼କଆଃ ଜାନାମ୍ ହୁଲାଙ୍ଗ୍ଏତେ ନାହାଁଃ ଜାକେଦ୍ ଚିଉଲାଅ କା ହବାକାନ୍ ଲେକା ପୁରାଃ ମାରାଙ୍ଗ୍ ସାଙ୍କାଟ୍ ହିଜୁଃଆ। ମେନ୍ଦ ଏନ୍ ଦିପିଲିରେ ଆପେୟାଃ ହଡ଼କ ଥାଲାଏତେ ଅକନ୍କଆଃ ନୁତୁମ୍ ପୁଥିରେ ଅଲାକାନ୍ ତାଇନାଃ, ଇନ୍କୁ ସବେନ୍କ ବାଞ୍ଚାଅଃଆ। 2 ଅତେଦିଶୁମ୍ରେୟାଃ ହାଁସାରେ ଅକ ପୁରାଃ ହଡ଼କ ଗୟାକାନା, ଇନ୍କୁ ବିରିଦାଃକ, ଚିମିନ୍କ ଜାନାଅ ଜୀଦାନ୍ ନାମେ ନାଗେନ୍ତେ ଓଡ଼ୋଃ ଚିମିନ୍କ ଜାନାଅ ଜାନାଅରେୟାଃ ଗିହୁଃ ଓଡ଼ୋଃ ଦୁକୁ ନାମେ ନାଗେନ୍ତେକ ବିରିଦାଃ। 3 ଅକନ୍କ ସେଣାଁନ୍ତାନ୍କ, ଇନ୍କୁ ସିର୍ମାରେ ମାସ୍କାଲ୍ ଏମ୍ତାନ୍ ଲେକା ମାସ୍କାଲ୍ଗିକ ହବାଅଃଆ ଓଡ଼ୋଃ ଅକନ୍କ ପୁରାଃ ହଡ଼କକେ ଧାର୍ମାନ୍ ହରାରେ ସୁତୁଃ ଇଦିକଆକ, ଇନ୍କୁ ଇପିଲ୍ ଲେକା ଜାନାଅଗି ମାସ୍କାଲ୍ ଏମ୍ତାନ୍କ ହବାଅଃଆ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)