26 ରାଜା ଏନ୍‌ ଦାନିୟେଲ୍‌କେ, ଅକେୟାଃ ନୁତୁମ୍‌ ଚି ବେଲ୍‌ଟ୍‌ଶତ୍ସର୍‌ ତାଇକେନା, ଇନିଃକେ କାଜିକିୟା, "ଆଇଙ୍ଗ୍‌ ନେଲାକାଦ୍‌ କୁମୁ ଓଡ଼ୋଃ ଏନାରାଃ ମୁଣ୍ଡିକେ ଆମ୍‌ ଚିନାଃ ଉଦୁବ୍‌ ଦାଡ଼ିୟାମ୍‌ ?"

27 ଦାନିୟେଲ୍‌ କାଜିରୁହାଡ଼୍‌କିୟାଏ, "ହେ ରାଜା ଆମ୍‌ ଅକ ଉକୁଆକାନ୍‌ କାଜିକେ କୁଲିତାନାମ୍‌, ଏନାକେ ଜେତା ପାଞ୍ଜିଖାଡ଼ି ନେନେଲ୍‌ ହଡ଼କ, ଦେଅଁଣା, ଯାଦୁବାଲା ଓଡ଼ୋଃ କଲଦିୟ ହଡ଼କ କାକ ଉଦୁବ୍‌ ଦାଡ଼ିୟା। 28 ମେନ୍‌ଦ ସିର୍ମାରେନ୍‌ ପାର୍‌ମେଶ୍ୱାର୍‌, ଇନିଃ ଏସ୍‌କାର୍‌ ଉକୁଆକାନ୍‌ ସବେନ୍‌ ବିଷାଏକେ ଉଦୁବ୍‌ନିଃ ତାନିଃ। ହିଜୁଃ ଦିପିଲିରେ ଚିନାଃ ହବାଅଃଆ, ଏନ୍‌ ବିଷାଏ ରାଜା ନେବୁଖଦ୍‌ନେଜର୍‌କେ ଉଦୁବାକାନା। ଆମ୍‌ ଗିତିଜାକାନ୍‌ ଇମ୍‌ତା ଅକ କୁମୁ ଓଡ଼ୋଃ ଦାର୍ଶାନ୍‌ ନେଲ୍‌କେଦାମ୍‌, ଏନା ହବାଅଃ ତାନାଃ ନେଆଁ,