2 Ha ibidiouguabaña aau, mayumahantiña furendei
hetenirun lúnrügü hapantahan lau le hasubudirubei.
4 Ítara liña lererun gürigia kei duna huliliti,
duna éibaaguati kei fusu lánina lichú aau.
6 Dáguatiña ibidiougua tau houngua lidoun wuribu lau hererun;
lau hererun áluahatiña abeichúni houngua.
7 Hererun guánarügü ibidiougua tau agadeirubaliña;
lau hererun güratiña gúrudu hagiina guánarügü.
8 Ítara liña marasualugu kei libimen-agei éigini,
gama lumoun chülüti lidoun lilulin agei.
13 Libidiounigan aau ani nibusigarídünati giñe
hóunabun gürigia lubaragiñe haganbun.
20 Kada aban léigibei lin lererun
darí labuchadun luagu.
21 Gayaraati besefurun o bagünrinchagun aban ibagari lau le bariñagubei,
buidulá lubeiti bayusuruni bererun, ábame beresibiruni bafayeiruaha.