1 Adüga lumutu lichú aau luban,

aba líchugun sedü tuágaburi;

2 áfarati animaalu lun adineruni,

aranse ligía uniñein fínuti,

aba lesetiruni dábula,

3 aba lóunahaniña lumusuniña agúaraha

lúmagiñe luéigiñe fulasu le íñutimabei uburugu, hariñaga:

4 «Higougu nibureingiña, lougua tisubudin!»

Óunaha ligía ariñaga houn ha lóuguabei gunfuranda hamá:

5 «Higougu heiga, gurá huguyame

lidan adineruni le naranserubei.

6 Ígira huméi libidiounigan aau, gabagari humaamuga;

habagarida kei gürigia huali tichügü».

7 Ánhabu erereha houn ibidiougua tau,

o houn lan ha wuribabei igaburi, anabarügü habadibu.

8 Ánhabu adeinha houn ibidiougua tau, beyereeguduba houn;

ererehabá houn chu tau, ábame bínsiñedun houn.

9 Ruba houn ha chúbaña aau, ábame lachuuruntima hau;

arufudahabá houn gürigia ha buídubaña,

ábame laganwoundun hasubudin.

10 Linebenwa Bungiu lagumesehabei lichú aau;

lasubudirúniwa Bungiu, le Sándutimabei,

ligía luálinbei ichügü.

11 Ladüga lichú bau, babagariduba saragu dan;

ani laganwounduba lirumudiri bibagari.

12 Anhein chu lubéi bau, bunba ladüga buiti;

anhein ibidiougua lubéi bau, buguyaba ariha lau.

13 Ítara liña luriban ichügü

kei aban würi marasualugutu,

dúndutu ani ibidiougua tau.

14 Ñurutu luagu aban haláü tubenari tuban,

lidan fulasu le íñutimabei uburugu,

15 aba tagúahan houn ha éibugeinatiña

ha áfaagubaña luagu hamarasun:

16 «Higougu nun, nibureingiña lougua tisubudin!»

Tariñaga houn ha lóuguabei gunfuranda hamá:

17 «Bímetimati duna le íweruhouarügüti,

semeetimati éigini le eigiti aramudaguarügü».

18 Gama lumoun ibidiñeti houn ha ebelurubaña túbiñoun,

luagu ha lan afalarubarun,

añahein lan guentó lidan habara hilaaña.