1 Mapantahabá luagu weyu le harugabei,

ibidiñeti bun kaba lan lanüga.

2 Madimurehabá buiti buougua,

ígiraba lun amu lan adimureha buiti buagu.

3 Hǘrüti dübü luma sagoun,

gama lumoun hǘrütimati ligañi ibidiougua tau.

4 Wuribati igañi, gagünrinchaguadi ligía asafaraguni,

gama lumoun mágüdahouati emeidini.

5 Buítimati adeinhani lau furangu

sügǘ lau ínsiñeni le aramudaguati.

6 Gayaraatimati lemenigidúniwa hawagu umadagu ha agañidagüdütiña

sügǘ lau hawagu áganiñu ha achuuhatiña.

7 Ha kimulebaña, íbini lau sírudu meberesentiña,

ánhaña ha lamabaña, íbini katei le gífiti, bímeti houn.

8 Ítara haña ha dísebaña luéi fulasu le ñein lubéi hágurahoua

kei dunuru to áhamahaboun dise luéi tumasa.

9 Ibiñein buiti, lun tagundaarun anigi,

leweridihan umadaü, lun tabimedun uani.

10 Mígirabaña bumadagu, ni lumadagu búguchi.

Mídinba lau bani turobuli lúbiñoun bíbiri.

Buítimati besinu yarafati sügǘ lau íbiri díseti.

11 Chula bau, niráü, ábame bagundaaragüdünina;

ítara luba gayara lan nóunabuniña ha anabagutina.

12 Ha buídubaña ichügü,

harihini denchaü aba hegeyedun luéi,

ánhaña ha mabuidunbaña ichügü,

ñǘdüntiña habaruaguóun aba hasufuriruni damichi.

13 Ha anügütiña hadúeihan terencha hawouguoun,

gidawatá hadaüragun hawéi darí hafayeihan.

14 Labusurúniwa lun umadaü lau umalali héreti lubá larugan,

ítara liña lun kei anabúni.

15 Ítara tiña aban würi ganigitu wuribu

kei lédedehan duna lidan húyouga lan.

16 Báluahan bararamunu,

kéisigubeirügü báluahan bararamuni garabali

o bárügüdün garaba búhaburugu.

17 Hámagiñegua gürigia hafurendeira,

kéisigubeirügü lau lan gürabu layarahóua gürabu.

18 Ha óunigirutiña tídibu igu, hóutiña tídangiñe tin,

Ha óunigirutiña hayubudirigu ibihatiña uéiriguni.

19 Ítara kei arihúa tan liyawa igibu dúnarugu,

ítara liña giñe aríagua hamá gürigia houngua tidan hanigi.

20 Óunweni, umúahaü luma luámaahabu gürigia, magufurumadaditi,

súnwandan busenmémegili lan.

21 Lau watu gemeti louchúa golu luma pülata,

ánhañati gürigia lau ladimurehoun buidu hawagu houchúa.

22 Ha ibidiouguabaña aau,

magidabei libidiounigan hau ni ánhaña bamuligida, muliliyabáñame.

23 Subudibéi hawaguti bilügüniña mudún,

góunigibaña bibiñanigu,

24 ladüga ni irisini ni ridi,

madurati lun sun dan.

25 Danme labouchun sagadi le heigan mudún,

danme labudahóun híduru áraabugiñe,

26 bibihuba lura mudún hádangiñe bibiñanigu tun badaüragun,

gaseinsunbadibu giñe hádangiñe bilügüniña gábara lun bagañeihan bumúan.

27 Bibihuba giñe míligi hádangiñe gábara würiña

lun batun hau sun biduheñu hama sun bubueingu.