Ariñawagúni 5

15 Deregüdaguabá tuma búmari,

túnrügüla bíchigei bínsiñehabu.

16 Ánhabu garahüñü tau amu würi,

manügünbei lira buiti bun.

17 Lunti haweinamudun birahüñü lun híderagunibu,

mama lun híderagun amu.

18 Gundaabá lubeiti tuma búmari,

gundaabá tuma to úmaboun bamarieida danbei nibureingidibu;

19 magadiñetu ani wende tugía kei aban usari.

Hóuburatabu lau tínsiñehabu.

Gundaaguagüdatabu lau tuenden.

20 Ka san uagu bádaragua bungua tumoun

würi gagabarahatu, niráü?

Ka uagu báguragua bungua tarünarugun?