Perumpamaan anak sa jawoh.
11 Yesus kuhui eso, "Naan erai kulun bapak sa ampun rueh kulun anak laki. 12 Sa hepu kuhui lukun ne, ‘Amai, hayakti okoi tong ku bagian ku neke kusugih taka.’ Tahui amai ne nyabagi harta hiyo tong kurueh anak ne.
13 Pipire andrau libas hiyo anak sa hepu hiyo ngiai kongoreng bagian ne hiyo tahui tulak tong negeri sa oro. Tei anai ne ngoreng duit ne lukun sara welum jias-jaus.
20 Tahui ne mudi waleng tong amai ne. Rahat ne eso oro neke blai, amai ne haot neau ne. Amai ne begoh tahui melempat tong ne tahui makut lukun nunuh ne.
22 Tapi amai ne nerau hamba-hamba ne tahui kuhui, ‘Golek! Nigo pakaian sa paling bungas, tahui pusulep tong ne. Pusulep sinsim tei ingking ne, pusulep lei sapatu tei pee ne. 24 Gana anak ku ti haot matei, tapi hayakti welum waleng. Ne haot jawoh, tapi hayakti halu waleng.’ Jari, ire malai pesta.