Lucas 2

Simeon bakahalu Yesus

25 Tei waktu hiyo tei Yerusalem nan lun baaran Simeon. Ne lun sa talalahui welum bujur. Ne ngohormat lukun tumun Allah. Ne ngandrei waktu Allah nyalamat Israel. Roh Allah naan dayo ne. 26 Hurap, Roh Allah haot mara lukunne amun ne mo sagar matei samale neau Raja Panyalamat.

27 Roh Allah gawi Simeon tulak tong Blai Allah. Mo ela eso Yusup lukun Maria koit Yesus huluk tong Blai Allah. Ire rueh hulet de gawi sa penerentah huang Hukum Taurat tentang anak punguntuha. 28 Hayak Simeon neau Anak hiyo, Ne nigo-Ne, nyangkapu-Ne, tahui nango Allah. Uhuine,

29 "Tuhan, ku hamba Nu.

Ku siap de matei hayakti lukun damai

gana Hanyu haot nepat janyi-Nu lukun ku.

30 Gana, pakai mate ku gagalo haot neau Panyalamat sa neke-Nu.

31 Panyalamat ti haot siniap Hanyu dela kongoreng bangsa.

32 Panyalamat ti ngunau tarawa sa ngejelas kanakan Tuhan lukun kongoreng bangsa-bangsa sa lain Yahudi.

Ne gin gawi umat-Nu Israel dohormati."