Lucas 7

24 Libas kurueh murid Yohanes hiyo tulak, Yesus malai mara lukun deo lun tentang hiye Yohanes subujurne. Uhui Yesus, "Kon tulak tong padang gurun de neau hiye? Erai kiting rikut sa siniup riwut? 25 Jari, kon tulak tong anai de neau hiye? Sareh mo de neau lun bapakaian larang. Lun sugih sa welum mewah muneng tei huang istana. 26 Amun ngunau hiyo, kon tulak tong anai de neau hiye? Sareh de neau isa nabi, behene? Tapi, ringo ti. Ne labih penting neke nabi biasa. 27 Naan tunulis huang Kitab Suci tentang Yohanes: ‘Ringo! Ku sagar merentah erai kulun labih hono neke Hanyu. Ne hiyo sagar nyiap lun-lun de punguhulet-Nu.*7:27 Neke kitab nabi Maleakhi 3:1 28 Gana Yohanes waktu hiyo, labih penting neke kongoreng lun lain tei dinia ti hampe hayak ti. Tapi kongoreng umat Allah, bat sa paling mo penting, kongoreng ire lebih penting neke Yohanes hiyo."*7:28 Kongoreng jabatan lun tei Kerajaan Allah labih penting neke jabatan hiye bo tei dinia (termasuk jabatan Yohanes tei dinia sebagai nabi sa paling penting).

29 Kongoreng lun deo termasuk panagih-panagih pajak, kiringo punguhui Yesus. Ire kuhui alan Allah bujur. Ire hiyo lun-lun sa haot dabaptis. 30 Tapi pimimpin-pimimpin agama Yahudi neke kolompok Parisi lukun guru-guru agama Yahudi mo nirime ransana Allah de nyalamat ire. Ire hiyo lei lun-lun sa haot mo kakan dabaptis.