17 "Naꞌthán Ana̱ꞌlóꞌ: awúun mbiꞌi rí na̱ka̱-rayámba̱ numbaa,

ma̱xnu̱ú Xu̱ꞌ mbá xúgíin xa̱bo̱ numbaa.

I̱jña̱ꞌlaꞌ tsí xa̱bekha jamí i̱jña̱ꞌlaꞌ tsí go̱ꞌo̱ mu̱rawíjnga̱a ajngóꞌ.

Tsí jñáma mbuyáa̱ inu-mbiꞌíí gáꞌne Ana̱ꞌlóꞌ,

jamí tsí xa̱bo̱ buanuu Ana̱ꞌlóꞌ maꞌthúu̱n ga̱jma̱á majñu̱u̱ xnuꞌndaa.

18 Jamí gakon máꞌ rí mbiꞌi rúꞌkhue̱n ma̱xnu̱ú Xu̱ꞌ yumbéꞌ,

kajngó xa̱bekha jamí go̱ꞌo̱ mu̱rawíjnga̱a ajngóꞌ.

19 Jamí ma̱ne̱ rí phú wáá ná mikhuíí,

xúꞌkhue̱n máꞌ ma̱ri̱gá rí phú ma̱makúún xa̱bo̱ gáꞌne ná inuu numbaa:

iꞌdi jamí agu, xúꞌkhue̱n máꞌ ru̱jmbo̱oꞌ gúní.

20 Xómáꞌ a̱kha̱ꞌ ma̱ꞌni̱i mijína,

jamí go̱nꞌ ma̱ꞌni̱i xómá iꞌdi,

nákhí rí xóó tsíga̱nú mbiꞌi rí ma̱ꞌkha̱a Táta̱.

Mbiꞌi rí phú mba̱a̱ jamí phú mitsaan ñajuun ne̱.

21 Jamí jámba̱a̱ tsí naxrígo̱o̱ mbiꞌyuu Táta̱,

ma̱jríya̱a̱ꞌ".*