2 Nde atumi masadaadu ma nde mu uduba Yaki mwaana a ngu a Yowani mu sabila. 5 Bu baakakeelese Peetelo mu kondaayi, libundu laakasambila Nzambi mu nde taangu yoosi na ibahala.
12 Bu nde hatsikihi buuna, nde ayeni hu nzo a Mariya, ngu a Yowani nga kuumbu Malako. Baatu ba banzuhisini baakuukimi huuna mu usambila Nzambi. 13 Peetelo adoodi munywa a nzo. Musalili mumosi wu mukaasu wu bubaateele Roode, ayasusaha mu udibula na ufuula; na doodi. 14 Nde adihuli ndaha a Peetelo wu ayahuli, na aluuli mu kinya. Teehele nde adibula, nde abingilili uyayabisa ti Peetelo hu mbadi ali ŋa busu bu munywa a nzo. 15 Buuna bo baaleeli nde ti: «We ladi li na lo!» Ka nde akwilili mu ubaaleele ti Peetelo hu mbadi ali. Bo baaleeli ti: «Nde ŋana ka Pofi a nde!» 16 Ka Peetelo akwilili mu udoodo munywa a nzo. Bu bo baadibuli munywa a nzo na baamoni Peetelo, bo baakimuhi boosi bu baamoni nde.