Pahuli bali mu utsundasa ŋa busu bwa pfumu a tsi Ngaliyoni
12 Mu taangu yi Ngaliyoni haba mutumi itaanzi hya Akayi, Bayudaayo ba baabelili Pahuli, baayuhisini mu itwadi mu ukaanga nde. Na baabiti nde hu nzo a tsundusu. 13 Huuna, bo baakesi nde ti: «Muutu mo wunuuwu, li mu ukiingula matsimi ma baatu, mu ukunda Nzambi bu hwasobono na mikele.» 14 Bu Pahuli hakibaandiha uyambila, Ngaliyoni aleeli huli Bayudaayo: «Benu Bayudaayo! Tso muutu mo wunuuwu avanga lilibi, buuve aduba muutu, kini me kiinzuha benu mu isuusi we bu hwafwana. 15 Ka umono ti ndulu mu usobosono hu minywa mu mikuma, mu manduhi, buuve mu tooni mikele mya benu mwakulu, maana matali benu. Me mbisi uba nzonzi a maana.» 16 Humbisa, nde abingi bo mu nzo a tsundusu. 17 Buuna, bo boosi baakangi Sositeni, mukuutu a nzo lisambulu yi Bayudaayo. Bo baarambi nde kuba, ŋa busu bwa nzo a tsundusu. Ka Ngaliyoni a hanyongi tso hole ve.