2 Huuna, nde abwani na Muyudaayo mumosi nga nduhi Akilasi. Muyudaayo mo wunuuwu, musi musyenge a Ponte. Mu bilumbu mo biina, nde amati hu tsi a Italiya na mukadi a nde Pilisile. Nde hamati huuna, mu tooni ati Koloode, pfumu a Looma, avoli kesili ti Bayudaayo boosi, baafwana upala mu Looma. Pahuli ayeni huli Akilasi na Pilisile. 3 Nde hapfuutini na bo, bu bo boosi baaba tsalu mosi. Nde atsahili huli bo, na bo baakasala itwadi. Isalu hya bo aba utuunga hu manzo ma ngooto.
Pahuli miifutaha hu musyenge a Antyokya mu tsi a Siriya
18 Ŋa mbisa a dyaambu mo lina, Pahuli abwevyoso taangu yi yayelemene hu musyenge a Koliito. Nde alanisi baana ba ngu, mana nde ayene hu tsi a Siriya itwadi na Pilisile na Akilasi. Titswene Pahuli atumi ukuula mutswe, mu tooni ati nde asiidi nzuhisini huli Nzambi. Nde akoti likuumbi hu ngulu makuumbi ya Sankeli, mu uyene hu tsi a Siriya.
26 Nde abaandihi utoyo mu tsiki, mu nzo lisambulu yi Bayudaayo. Bu Pilisile na Akilasi baamani uyuha nde, bo baabiti nde hu nzo a bo, na bo baabinduli nde nzila a Nzambi we bu hwafwana.