Nziili a Livupu la Ngidi
1 Bu ilumbu hya Pantekote hyatoodi, bo boosi baaba baapfutana mbuha mosi. 2 Mawasa-mawasa, kele mosi yamati hu yulu we ifula hi mifudi. Buuna, kele mo yaluusi nzo yi bo baaba baatsahala. 3 Mu taangu mo yiina, bo baamoni malimi we maludi ma mbaahu. Mo maakakabuha na uyanama limosi-limosi ŋa yulu a pasi muutu mu bo. 4 Bo boosi baaluuli mu Livupu la Ngidi. Titswene baakatoyo mandaha makima, we bu Livupu laakatuma bo mu uyambila.
16 Ka bunuubu, mambu ma mumbihuli Yoweli haleeli mamiivangama:
17 "Nzambi aleeli: mu bilumbu bya tsyelele,
me unzitala Livupu la me ŋa yulu a pasi muutu.
Baana baa benu ba bakaasu na ba babahala
bu ubihula mu nduhi a me,
pfudu-mbahala a benu bu umono bimono-miisu,
na binunu bya benu bi ulooto mandoosi.
38 Peetelo akaali bo: «Sobwaani mbiili, na pasi muutu mu benu batondehe mu nduhi a Yisu Kristo. Saani buuna, mana Nzambi amasa masumu ma benu. Ni huuna benu lu uyaka bungodu bu Livupu la Ngidi.
41 Kabu li lilahi laasiingi mambu ma Peetelo hakaleele. Baatondihi bo mu nyahulili a masumu. Mu ilumbu mo hiina, we biveeve bitatu (3 000) bya baatu baabiisili kabu la banga hiitu.