Sahuli miikingula buyedi
1 Mu taangu mo yiina, Sahuli a hakoli ukanina na usaha nzila yi uduba bayihi ba Pfumu ve. Nde ayamono mukuutu bangaanga ba Nzambi, 2 avondi nde mihanda mi uva nde muswa a kotili mu manzo ma masambulu ma Bayudaayo ma hu musyenge a Damaseko. Nde hasiidi buuna, mana bu nde hu ubiisa baatu, babahala tso bakaasu, ba baakaduukala nzila a Pfumu, nde akaanga bo na ubita bo hu musyenge a Yeruselemi. 3 Sahuli akayene hu Damaseko, nde aba bebele na musyenge mowuna. Mu mawasa, liyalala laamati hu yulu na laayadiinga nde. 4 Nde abwidi ŋa toto na ayuhi ndaha mosi yakaleele nde: «Sahuli, Sahuli, mu hima we li mu ukwamisa me?» 5 Sahuli afuuli: «We ni na Pfumu?» Na ndaha yayahuli: «Me ni Yisu, wu we li mu ukwamisa.
15 Ka Pfumu afutili huli Ananya: «Yene, ka me miitsoolo nde mana me tsalila nde. Ni nde uyayabisa nduhi a me huli boosi ba baavele Bayudaayo na bapfumu ba bo, napa huli bisu Isereli.
17 Humbisa, Ananya ayeni, na akoti mu nzo. Nde asuusili Sahuli myoho, na aleeli nde: «Sahuli, mwaana a ngu a me, Pfumu Yisu wu ayamonehele na we mu nzila yi we akayiila mu yo, miitsindaha me huli we. We sa bwemono na we sa luula mu Livupu la Ngidi.»
20 Ni mu taangu mo yiina, Sahuli habaandihi ulongese Tsaangu Yimbwe mu manzo ma masambulu ma Bayudaayo. Na nde akayabisa ti Yisu ni Mwana a Nzambi.