Sahuli miikingula buyedi
1 Mu taangu mo yiina, Sahuli a hakoli ukanina na usaha nzila yi uduba bayihi ba Pfumu ve. Nde ayamono mukuutu bangaanga ba Nzambi, 2 avondi nde mihanda mi uva nde muswa a kotili mu manzo ma masambulu ma Bayudaayo ma hu musyenge a Damaseko. Nde hasiidi buuna, mana bu nde hu ubiisa baatu, babahala tso bakaasu, ba baakaduukala nzila a Pfumu, nde akaanga bo na ubita bo hu musyenge a Yeruselemi. 3 Sahuli akayene hu Damaseko, nde aba bebele na musyenge mowuna. Mu mawasa, liyalala laamati hu yulu na laayadiinga nde. 4 Nde abwidi ŋa toto na ayuhi ndaha mosi yakaleele nde: «Sahuli, Sahuli, mu hima we li mu ukwamisa me?» 5 Sahuli afuuli: «We ni na Pfumu?» Na ndaha yayahuli: «Me ni Yisu, wu we li mu ukwamisa. 6 Ka teleme, koto mutso musyenge mowuna, na huuna sa baleele we ma we afwana uvanga.» 7 Bambaahi baa mudyenge baa Sahuli baatsikimi, hwavele a ndaha mu tsisu. Bo baakayuha ndaha, ka bo a baakamono muutu ve. 8 Buuna Sahuli atelimi, ka nde adibula miisu, a hakabwemono ve. Baakangi nde mu hoho na baayeni na nde hu musyenge a Damaseko. 9 Mu bilumbu bitatu, nde aba inzimana, hwavele udya na unywa.