Atos 9

Hu musyenge a Yafa, Peetelo asuuli Dolokasi mu lipfu

36 Hwaba hu musyenge a Yafa, mukaasu nga hiitu mu Yisu, nga nduhi a Tabita, mbindulili a yo mu ndaha yi Bangeleke «Dolokasi» buuve «tsyesi». Nde aba taangu yoosi ubaavanga ma mabwe na ubaava likumbasa huli biyaha. 37 Mu taangu mo yiina, nde akoto mu mbeelili, nde ni ukwa. Bu baamani uswaha mvumbi a nde, baasuusi yo mu itini hya nzo hya hu yulu. 38 Bayihi ba hu musyenge a Yafa baayaabi ti Peetelo aba hu musyenge a Lida. Musyenge mowuna aba bebele na Yafa. Bo baatsindihi nde babahala boole mu uyayabisa nde ti: «Kolo-kolo a we, a hadiinga mu uya huli bisu». 39 Peetelo atelimi, ayeni na bo. Bu nde hayato, baabiti nde hu itini hya nzo hya hu yulu. Bakwili boosi baayasusaha bebele na nde mu ulila. Bo baamweesi nde bikutu na biyunga bi Tabita hatungi ŋa nde haba kini moonyi.