Bahebeleho 9

Bikuundili bya ŋa toto na bya hu yulu

1 Nzuhisini yatsomi yaabeedi na matumili ma bikuundili na mbuha ya ngidi ya ŋa toto. 2 Nzo a ngooto yi bibadi byole baatelimisi. Mu ibadi hyatsomi hi bubaateele «mbuha ya ngidi», hwaba na isuusili hya miinda, na meetse ma baasuusala mapa ma baayeholo huli Nzambi. 3 Hu mbisa a nguumbu ya moole, hwaba na ibadi hi bubaateele «mbuha yi yaafulala bungidi✝9.3 Pal 26.31-33». 4 Huuna, hwaba na meetse ma baayolo mu wolo, hu baakatsuha paha a tsulu yimbwe, na kasu a nzuhisini yi baayolo mu wolo. Hutso a kasu mo yiina, hwaba na ikoombe hya mu wolo, hi hyaluula mu maane, likaanda la Aroni li laapalisi bifulu, na bibadi bi mamanya ma baaba baasonehe matumili ma nzuhisini✝9.4 Pal 16.33; 25.10-16; 30.1-6; Mat 17.16-26; Pfu 10.3-5. 5 Ŋa yulu a kasu, baavala bifwaani bi bakeluba ba muyusu. Posi mapapi ma bo, yaakafuha mbuha yi bubaayeholo makila mu linyahula li masumu ma baatu. Ka taangu kini a yaafwana mu uyambila mu mambu mo maana ve✝9.5 Pal 25.23-30; 25.31-40; 26.1-30 .