Tsuuhili a Yisu
1 Mu ilumbu hya Saba ŋa tsumba a ngwali, Mariya musi Magadala ayeni hu ngila. Nde amoni ti manya la ŋa kotili a ngila baamiimasa.
Yisu miimonehele huli Mariya musi Magadala
11 Mu taangu mo yiina, Mariya aba hu mbadi ŋa kotili a ngila, na nde aba mu ulila. Bu nde haaba mu ulila, nde abaandimi mu utala hutso a ngila.
14 Bu nde hakaleele buuna, nde akinguhi, na nde amoni Yisu mu tele, hwavele uyaaba ti ni Yisu. 16 Yisu ni uleele nde: «Mariya!» Nde akinguhi na aleeli nde mu Ibeleho: «Rabuni!» Mbindulili ni ti: «Mulongisi!»
17 Yisu aleeli nde: «A habembe me! Mu tooni ati me kini a hapaata huli Taata a me ve. Ka yene huli baana ba ngu a me, na leele bo ti, "Me aka mu ukumasa huli Taata a me, wu li kaka Taata a benu. Me aka mu ukumasa huli Nzambi a me, wu li kaka Nzambi a benu."» 18 Mariya musi Magadala ayayabisa huli bayihi: «Me miimono Pfumu!» Na nde ayabisi bo mambu ma Yisu haleeli nde.